De Urgeschicht von Meckelnborg.
De Urgeschicht von Meckelnborg: Von de Erschaffung der Welt Int Johr 0 - Dat drütteigente Kapittel - Von dat Paradis - Askenas, sin Sähn, tog de Weichsel hendal bet an de Ostsee, un as hei un sin Volk an einen Mandag tauirst de blag See tau seihn kregen, säd hei: Desen Mandag willn wi den blagen näumen. As nu Seth grawen was, satt Enos in Adammen sinen Großvaderstaul un säd: "Ick wull leiwer, ick wir min eigen Kindskind as en Patriarch!" Denn obschonst hei en beten sihr verstutzt was, sach hei doch in, dat hei dor nich mang dörchfünn. Un hei röp sinen Sähn Kenan tau sick un säd tau em: "Jung', kumm her un regier!" säd hei, "du hest frilich noch nich dat richtig Öller" - Kenan was irst gegen 700 Johr olt -, äwer ick heww keinen Lust tau dat Geschäft, ick bün nich för Strid un Stank, un Rabatt un Machol, de laten nich von ehre Nücken. […]